منتديات نبتيت
عزيزى الزائر الكريم .. اهلا ومرحبا بك فى منتديات نبتيت .. الموقع الاول والرسمى لقرية نبتيت ..يحتوى على كل ماهو جديد ومتميز فى جميع المجالات بالاضافة الى كل ما يخص قرية نبتيت ..بالاضافه الى كل ما يخص الشيخ انس جلهوم ابن قرية نبتيت .. من تسجيلات وصور واخبار



نتمنى منك الاشتراك معنا .. والدخول اذا كنت عضوا

ازاى تبقى رذل مع الماى لف بتاعتك

استعرض الموضوع السابق استعرض الموضوع التالي اذهب الى الأسفل

ازاى تبقى رذل مع الماى لف بتاعتك

مُساهمة من طرف كاجووو في الأربعاء أكتوبر 14, 2009 4:34 pm

إزاى تبقى رذل مع حبيبتك
كل ماتتفقوا على ميعاد روحلها متأخر وسيبها تتلطع وتتذنب شوية
وأول ماتوصلها متديهاش إهتمام عشان أساسى هى هتطلع فيك عشان اللطعة أنت لاطعهالها دى
فا حاول تتحجج بأى حاجة كأنك بتعمل حاجة فى الموبايل ولما تسألك بتهبب أيه ؟
قولها بستعلم بس عن الرصيد أو أى حجة هبلة يعنى
ظبط كل مشوايرك المهمة على اليوم اللى هتقابلها فيه عشان تدبسها وتخليها تيجى معاك
وياسلام لو كان فيهم مشوار من بتوع المصالح الحكومية اللى بيطلعك وينزلك مية مرة
ويلففك المصلحة كلها حتة حتة يبقى تمام أوى رجلها على رجلك
لما تقولك أنا جالى عريس قولها أيه ده بجد ؟؟؟؟؟
هتقولك أيوة مستغرب كده ليه ؟؟؟
قولها هو فى حد لاقى عرسان اليومين دول على العموم ألف مبروك ياحبيبتى
لو طلعت بتحكيلك عن عيوبه عادى وبتقولك بقى أنا أتجوز واحد بالطريقة دى والكلام ده
قولها ياحبيبتى آمال أنتى فاكرة أحمد زويل هييجى يتقدملك ماهو ده آخرك يعنى
لو العكس بقى وقالتلك العريس عاجب بابا وماما وعنده وعنده وبيقولولى أنتى عبيطة
قولها أنا كمان رأيى من رأيهم , هتقولك رأيك إن أنت كمان موافق عليه ؟ قولها لأ إن أنتى عبيطة
طبعا الغرض الأول من الحوارات دى إن هى تحرك حضرتك عشان تروح تتقدملها
أعمل عبيط بقى ورد على قد اللى بتسمعه وبس
لو كنتوا فى نفس الجامعة بس كل واحد فى كلية وقاعدين سوا
كل ماتشوف واحدة معاك فى الكلية سيب حبيبتك وقوم أتكلم معاها بأى حجة
ولما ترجع قولها كنت بسألها على حاجة مهمة عندنا فى الكلية
ولما تشوف واحدة تانية قوم برضه أعمل نفس الحوار
ولما ترجع قولها أصل الأولى مكنتش عارفة فا سألت دى وهكذا
لو هتدخلوا سينما هى طبعا عايزة تشوف فيلم رومانسى ولا حاجة
أنت بقى أمسك فى إنك تختار فيلم كوميدى أو رعب
لو كوميدى أفضل أضحك طول الفيلم حتى على الحتة البايخة ونفضلها خالص ولا كأنها جنبك
اما لو دخلتوا رعب لو كنت بتحب أفلام الرعب ركز مع الفيلم ازاى تبقى رذل مع حبيبتازاى تبقى رذل مع حبيبتونفضلها برضه
أما بقى لو كنت بتخاف وداخلة عند فيها أو عشان تثبتلها إنك بطل وقلبك ميت
فا الحل الوحيد تعمل إنك رايح عليك نومة بس لو معرفتش تنام من صوت الأكشن
فا ألبس نظارة سودة وقولها أصل الأشعة بتتعب عينى وغمض براحتك بقى يامعلم ونفض على الآخر
لو بتتغدوا بره وبتسألها هتاكلى أيه وقالتلك أطلبلى زيك وأطلبلى أى حاجة من غير شطة
وروح وصيه أنت بقى يزود الشطة على قد مايقدر
ولما الأكل يجى قولها أنا كنت فاكرك بتقولى أى حاجة فيها شطة
لو فى مناسبة زى عيد ميلادها أو الفلانتين أو أى حاجة
أتصل بها والأول خدها فى الكلام وأقعد كلمها ساعتين فى حاجات فارغة ملهاش علاقة بالمناسبة
وفجأة قولها ثانية واحدة ياحبيبتى هكلمك تانى فى حاجة مهمة
ومتسألش فيها باقى اليوم وضيع عليها المناسبة
بعد كده لما تسألك السبب قولها أصل كان فى كليب أول مرة أشوفه
أو كنت بتفرج على فيلم عاجبنى وكنت بكلمك فى الفاصل ولما رجع اضطريت أقفل
أو ماما كانت مجهزة الأكل وبتنادى عليا وأنا كنت جعان أوى ومقدرتش أستنى
أى حجة رذلة تحرق الدم وخلاص
لو جابتلك هدية وسألتك أيه رأيك فيها قولها كانت جابتهالى واحدة صحبتى أو قريبتى قبل كده زمان
قصدك يعنى إن الهدية قديمة ومش مالية عينك
ونفس الحوار فى مسجات الموبايل كل ماتبعتلك حاجة قولها اتبعتتلى قبل كده
لو قالتلك مانا بشوف المسجات بتاعتك علطول قولها يبقى شوفتها فى موبايل حد أعرفه
المهم إن أنا قريتها قبل كده حتى لو كنت أول مرة تشوفها فى حياتك
مش بعيد هى بقى تألفلك مسج وتقولها شوفتها قبل كده وتبقى أتفقست يامعلم
عادى برضه شككها فى نفسها وسوق فى الإستهبال

كاجووو
مشرف متميز
مشرف متميز

عدد المساهمات : 109
تاريخ التسجيل : 11/10/2009
العمر : 27

الرجوع الى أعلى الصفحة اذهب الى الأسفل

رد: ازاى تبقى رذل مع الماى لف بتاعتك

مُساهمة من طرف ali.zyada في الجمعة أكتوبر 16, 2009 11:53 am

ههههههههههههههههههه طيب ليه ياعم الاذيه دى

ـــــــــــــــــــــــــــــــــــــــ..ـــــــــــــــــــــــــــــــــــــــــــــــــــــ..ـــــ ــــــــــــــــــــــــــــــــــــــــ..ـــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]

ali.zyada
المدير العام

عدد المساهمات : 658
تاريخ التسجيل : 14/09/2009

الرجوع الى أعلى الصفحة اذهب الى الأسفل

رد: ازاى تبقى رذل مع الماى لف بتاعتك

مُساهمة من طرف ahmed khaled في الأحد أكتوبر 25, 2009 12:14 am

على فكره كلام فارغ البنات اللى انت بتتكلم عنهم دول انتهوا من 100 سنه ههههههههههههههههههه

ahmed khaled
عضو نبتيتى جديد

عدد المساهمات : 2
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: ازاى تبقى رذل مع الماى لف بتاعتك

مُساهمة من طرف love you في الأحد أكتوبر 25, 2009 9:09 pm

ههههههههههههههه
طب ليه كده

love you
عضو نبتيتى مساهم
عضو نبتيتى مساهم

عدد المساهمات : 50
تاريخ التسجيل : 27/09/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى