منتديات نبتيت
عزيزى الزائر الكريم .. اهلا ومرحبا بك فى منتديات نبتيت .. الموقع الاول والرسمى لقرية نبتيت ..يحتوى على كل ماهو جديد ومتميز فى جميع المجالات بالاضافة الى كل ما يخص قرية نبتيت ..بالاضافه الى كل ما يخص الشيخ انس جلهوم ابن قرية نبتيت .. من تسجيلات وصور واخبار



نتمنى منك الاشتراك معنا .. والدخول اذا كنت عضوا

بركات ملك الحركات :الحلقة الاولى

استعرض الموضوع السابق استعرض الموضوع التالي اذهب الى الأسفل

بركات ملك الحركات :الحلقة الاولى

مُساهمة من طرف mahmoudbrkat في الثلاثاء سبتمبر 29, 2009 11:35 pm

السلام عليكم ورحمة الله وبركاته
ازيكووووووووو يا حلوين عاملين ايه نقول تمام . نقول الحمد لله
مش هرغى كتير تقرى معايا وتكمل للآخر انا بركتة ياد جايبلكوووووو يوميات واد آخر واد روش طحن
اغلب نفسى ليه اقرى وانت تعرف









الحلقة الاولى :
يدخل الأب إلى حجرة ولده ليوقظه للذهاب إلى الجامعة فيربت على ظهره
الوالد : طارق ... طارق .... قوم يا حبيبى
فيفتح الولد عيناً واحدة ينظر بها إلى أبيه فى استغراب و كأن أباه قد انتهك مقدساً
طارق : إيه يا بابا فيه إيه ؟
الوالد : قوم يا حبيبى عشان تلحق تروح كليتك ؟
طارق : يا بابا كلية إيه اللى بتصحينى عشانها وش الفجر
الوالد : وش الفجر إيه بس... يا بنى الساعة داخلة على عشرة ... قوم يا حبيبى عشان تلحق محاضراتك
طارق : يابابا نفض
الوالد : أعمل إيه
طارق : يعنى كبر يا بابا
الوالد : الله أكبر
طارق : لا يا بابا مش قصدى ... أن بقولك كبر دماغك يعنى
الولد : يا ابنى قوم متتعبنيش .... مش انت عندك محاضرات مهمة النهاردة ؟
طارق : يا بابا مهمة إيه بس ... ده كله فى الكلتشة
الوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة
طارق : يا بابا ... فكك من كلام الستينات ده.... أنا مش قادر أفك رموز وشى
الوالد : يا بنى قوم أخوك بيقول ان المحاضرات النهاردة عندك مهمة
طارق : يابابا سيبك منه ... ده واد بيهيس
الوالد : يعنى إيه .... كلامه صح ولا غلط ؟
طارق : يا بابا ... ابنك ده دماغه مخرومة ... عمالة تنقط .... متسمعلوش و لما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار
الوالد : يا بنى انت بتتكلم كده ليه ؟
طارق : يعنى بكلمك بالسيم يعنى .... بص يا بابا عشان خاطر ربنا ... سيبنى أنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية
الوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوك
طارق : و الله يابابا أن مأفور خالص و مش قادر ... سيبنى
الوالد : يا بنى كلمنى زى ما بكلمك ... إيه اللى انت بتقوله ده
طارق : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى .
الوالد : مصلحتك ؟ يا بنى انت بقالك ثلاث سنين فى سنة ثانية
طارق : ظلم يا بابا ، الدكاترة بتاعة الكلية حاطينى فى دماغهم لحد ما عفنت
الوالد : (وقد بدأ يغتاظ ) طيب قوم يا معفن ... خد لك دوش و افطر و روح الكلية
طارق : بابا.. اقفل النور و خد الباب وراك .... و أما أقوم نبقى نشوف موضوع الدش ده
الوالد ( بصوت مرتفع ) : أنت حتقوم و لا حقومك بالجزمة
طارق ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبح
يخرج الأب و يدخل أخوه وائل فينظر إليه شذراً
طارق : لازم تديها جاز على الصبح .... شعللتها ؟ ... ماشى
وائل : هو اللى بيسألنى
طارق : قوله معرفش ... قوله معندوش زفت محاضرات
وائل : أكذب يعنى ؟
طارق : (يضحك سخرية ).... لأ إنت متعرفش تكدب ... تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه ؟
وائل : ( و قد اصفر وجهه ) لا يا طارق اوعى ....
طارق : طيب يا حلو .... روح هاتلى سجارة من علبة أبوك أعمل بيها دماغ الصباحية
وائل : ( يخرج سيجارتين من جيبه ) خد اثنين أهم ... بس اخلص بسرعة قبل ما ييجى تانى .
طارق : طيب يا إتم .... اختفى من قدامى دلوقت
يخرج وائل ، و يبدأ طارق فى تدخين إحدى السجائر و هو بعد ما زال على السرير
ثم ينظر بجواره على الكمودينو و يتناول التليفون و يتصل بأحد زملائه
طارق : ألو ... أيوه يا هيما .... انت لسة مِكَّحول ... ما تقوم ياواد خليك نشيط
هيما : يا بنى حد يتصل بحد دلوقت مفيش زوق .... الساعة لسة عشرة و نص
طارق : فوق بقى .... إيه النظام ؟ الحياة أخبارها إيه النهاردة ؟
هيما : زى امبارح .... نروح المول ... و ندخل الكافى شوب .... نطلب شيشة ... نشرب لنا كام ستون ..... نعلق حتتين طراى .... أو نلف نعاكس فى المزز
طارق : طيب نتقابل الساعة واحدة .... متحلقليش
هيما : حتعمل إيه دلوقت
طارق : أنا حاخلع من البيت دلوقت و اخرج أصيع لحد ما نتقابل ، عشان أبويا عاملى فيها أبو الغضب و الأشكيف ... و لو فضلت موجود حيعملى فيها بروسلى و يضربنى .
هيما : الحمد لله يا عم... أنا أبويا ميت
طارق : يا بختك ... استكانيس براحتك ..... طول عمرك محظوظ .... شاو
يغلق الخط ... و يدخل أخوه وائل
وائل : اوعى يا طارق تقول لابوك .... لحسن يرحلنى
طارق : (ينظر إليه بتعال و كأنه ملك روحه ) خليك حلو معايا أحسنلك ... لحسن أنا لسانى بياكلنى ... و الندالة بتنقح على
وائل : ( باستجداء ) اوعى يا طارق
طارق : طيب روح هاتلى الجل بتاعك ... عشان الجل بتاعى بياكل فى دماغى زى مية النار
وائل : احنا حنبدأ استغلال .... و بعدين انت اللى مابتغسلش دماغك لحد ما باظت
طارق : خلص يا عم الأمور ... روح هاتى الجل .... إنجز
وائل : يا طارق ما انت عندك إزازة لسة مفتحتهاش
طارق : ياد روح هاتها متبقاش إيحة ... و بعدين انت لابس فانلة فى البرد ده ... عاملى فيها هركليز
وائل : ( يصرخ و هو يجرى خارج الحجرة ) يا نهار اسود ... دا المكوة على القميص
يأخذ طارق نفساً من السيجارة و قبل أن يخرجه من صدره يدخل والده
الوالد : إنت لسة نايم ؟
طارق : ( لا يرد حتى لا يخرج الدخان من فمه فيراه أبوه و يخفى السجارة تحت البطانية )
الوالد : يعنى مش عايز تجيبها لبر .... آدى آخرة دلع أمك . هى اللى فسدتك ... لو مخرجتش من البيت و رحت كليتك حالاً حكسر دماغك دى ... إنت فاهم ؟
طارق : ينظر إلى والده و قد احمرت عيناه و انتفخ وجهه
الوالد : انت بتبص كده ليه يا واد انت .... جتك البلا فى منظرك
( يخرج الوالد )
طارق : ( يخرج نفسه الذى كتمه حتى كاد أن يموت ، و يسعل بشده )
يدخل وائل أخوه فيجده على هذه الحال
وائل : إيه مالك ؟ حتفطس ولا إيه
طارق : روح هاتلى كباية مية أبوك كان حيموتنى .... كنت حسافر
يخرج وائل فيستلقى طارق على السرير يسترجع أنفاسه و يغمض عينيه ... و بعد قليل يرتفع صوت شخيره


كمل كمل ومش هتندم بركتة معاك للنهاية ومش بمزاجك لازم هتكمل

mahmoudbrkat
مشرف
مشرف

عدد المساهمات : 143
تاريخ التسجيل : 29/09/2009
العمر : 28

الرجوع الى أعلى الصفحة اذهب الى الأسفل

رد: بركات ملك الحركات :الحلقة الاولى

مُساهمة من طرف ali.zyada في الثلاثاء سبتمبر 29, 2009 11:43 pm

منور يا كوووووووووووووووته المنتدى كله ههههههههههههه وقصه جميله .. مستنين منك باقى الحلقات Laughing cheers

ali.zyada
المدير العام

عدد المساهمات : 658
تاريخ التسجيل : 14/09/2009

الرجوع الى أعلى الصفحة اذهب الى الأسفل

رد: بركات ملك الحركات :الحلقة الاولى

مُساهمة من طرف love you في الأربعاء سبتمبر 30, 2009 12:09 am

هههههههههههههههههههههه تسلم
ومستنين ياقى الحلقات

love you
عضو نبتيتى مساهم
عضو نبتيتى مساهم

عدد المساهمات : 50
تاريخ التسجيل : 27/09/2009

الرجوع الى أعلى الصفحة اذهب الى الأسفل

رد: بركات ملك الحركات :الحلقة الاولى

مُساهمة من طرف أبو زايد في الأربعاء سبتمبر 30, 2009 12:17 pm

هههههههههههههههههه بجد جامده ياحوده ومستنين الباقى بس بسرعة & منور المنتدى ياملك الحركات

أبو زايد
المدير العام

عدد المساهمات : 526
تاريخ التسجيل : 03/02/2009
العمر : 27
الموقع : el-rahma.montadamoslim.com

http://el-rahma.montadamoslim.com

الرجوع الى أعلى الصفحة اذهب الى الأسفل

رد: بركات ملك الحركات :الحلقة الاولى

مُساهمة من طرف mahmoudbrkat في الأربعاء سبتمبر 30, 2009 11:55 pm

بايدى وبايديكم نرفع اسم بلدنا لغاااااااااااية الساحة مش اى كلام يا نجم ........ مشكور يا أجمل صحبة ع الرد الجامد . القصص فيها حكاوى موووووز تعجبكم تابعوا معايا يله . ويلا معايا ع الحلقة التانية

mahmoudbrkat
مشرف
مشرف

عدد المساهمات : 143
تاريخ التسجيل : 29/09/2009
العمر : 28

الرجوع الى أعلى الصفحة اذهب الى الأسفل

رد: بركات ملك الحركات :الحلقة الاولى

مُساهمة من طرف elshafei123 في الخميس أكتوبر 01, 2009 12:38 pm

انا اولا بشكر اسلام وعلى ومحمود على الفكره الجميله الى عملوها علشان يظهر اسم بلدنا ويعرفو الى ميعرفهاش دا شئ كويس وبشكر محمود بركات على المجهود الفظيييييييييع الى عامله فى المنتدى وعلى الدخله الجامده وبالتوفيق والى الامام دائما
المخلص للابد
محمود الشافعى

elshafei123
مــشــرف عـــام
مــشــرف عـــام

عدد المساهمات : 152
تاريخ التسجيل : 29/09/2009

الرجوع الى أعلى الصفحة اذهب الى الأسفل

رد: بركات ملك الحركات :الحلقة الاولى

مُساهمة من طرف mezooo في الجمعة أكتوبر 02, 2009 2:02 am

ان قرأت شويه جااامده جدا وهكملها انا شاء الله مستنين الكتير :bounce:bounce:bounce:bounce:bounce:bounce:bounce:bounce:

mezooo
عضو نبتيتى جديد

عدد المساهمات : 21
تاريخ التسجيل : 27/09/2009
العمر : 28

الرجوع الى أعلى الصفحة اذهب الى الأسفل

رد: بركات ملك الحركات :الحلقة الاولى

مُساهمة من طرف misho في الخميس يناير 07, 2010 4:45 am

ههههههههههههههههههههه قديمة بس كل ماقرأها اضحك

ـــــــــــــــــــــــــــــــــــــــ..ـــــــــــــــــــــــــــــــــــــــــــــــــــــ..ـــــ ــــــــــــــــــــــــــــــــــــــــ..ـــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]

اذا بحثت عنى ولم تجدنى فاعلم إنى مش عارف هاكون فين ساعتها بس ابقا دور عليا .

misho
مشرف
مشرف

عدد المساهمات : 225
تاريخ التسجيل : 01/10/2009
العمر : 27

الرجوع الى أعلى الصفحة اذهب الى الأسفل

رد: بركات ملك الحركات :الحلقة الاولى

مُساهمة من طرف ahmed shehata في الثلاثاء يناير 26, 2010 9:02 pm

بجد جامده ياحوده ومستنين الباقى بس بسرعة & منور المنتدى ياملك الحركات

ahmed shehata
مشرف 5 استارز
مشرف 5 استارز

عدد المساهمات : 405
تاريخ التسجيل : 09/10/2009
العمر : 22
الموقع : ahmedshehata2009.ibda3.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى