منتديات نبتيت
عزيزى الزائر الكريم .. اهلا ومرحبا بك فى منتديات نبتيت .. الموقع الاول والرسمى لقرية نبتيت ..يحتوى على كل ماهو جديد ومتميز فى جميع المجالات بالاضافة الى كل ما يخص قرية نبتيت ..بالاضافه الى كل ما يخص الشيخ انس جلهوم ابن قرية نبتيت .. من تسجيلات وصور واخبار



نتمنى منك الاشتراك معنا .. والدخول اذا كنت عضوا

الحوار التالى مع أحد المساطيل من إحدى الغرز على ناصية الشارع

استعرض الموضوع السابق استعرض الموضوع التالي اذهب الى الأسفل

الحوار التالى مع أحد المساطيل من إحدى الغرز على ناصية الشارع

مُساهمة من طرف mahmoudbrkat في الثلاثاء سبتمبر 29, 2009 11:55 pm


فى ظل الأوضاع الحالية ، ومجاراة لعصور القنوات الفضائيه كان لنا الحوار التالى مع أحد المساطيل من إحدى الغرز على ناصية الشارع

وبدأنا الاسئلة :

وكان أول سؤال للمحاور : بصفتك واحد من المواطنين المحبين والمضحين من أجل هذا البلد...
كيف ترى مستقبله ؟
وكانت اجابة المسطول : أكيد هيكون لوز وأخر بهجة .
والناس هتكون فووووووووووووق وطايره وأخر سعادة .
المحاور : فى رأيك .. ما هى أفضل الأساليب والطرق اللازمه لحل كل المشاكل التالية :
البطاله ؟
المسطول : إننا نموت الشباب الجديد الصاعد اللى عايز يشتغل من دلوقت ، قبل ما يموت من الحسرة ... أو يفكر انه يفجر نفسه .... وبكده يكون عندنا وظائف خاليه للجيل اللى بعده .
تلوث المياه ؟
المسطول : دى بقى حلها سهل جداً .. الميه المعدنية موجوده ومتوفرة فى كل مكان وبأى كميه .. ولا احنا بقى غاويين صنع مشاكل وخلاص ....
وأنا لى رأى ممكن يحل الموضوع ده .. إن يتصرف لكل مواطن إزازه ميه معدنية نظيفة على التموين وأظن إن ده حل كويس يرضى جميع الاطراف .
رغيف العيش ؟
المسطول : أعتقد إن لغاية النهارده وحتى هذه اللحظه إنه فى متناول يد الجميع
وسعره مدعم لكل الناس .. ويعنى هو لو كان شاحح شوية فى البلد فالبديل موجود....
البسكوت حلو وجميل وفى منه كمان بالشيكولاته ...
وموجود فى كل مكان .. العيب فى الناس اللى مش عايزة تفكر فى حلول لمشاكلها .

الصرف الصحى ؟

المسطول : نلغى حاجة اسمها حمامات دى خالص ويتوفر لكل مواطن أكياس بلاستيكيه
يقضى فيها حاجته .. وأهو برده يبقى استثمار للفضلات .

التعليم ؟

المسطول : دى بقى أهم حاجه لازم نعالجها بجد .. لأن التعليم هو اللى بيربى النشء
للمستقبل وبيصنع الأجيال .. بس أهم حاجة لازم نعلمها لولادنا .. امشى جنب الحيط ..

ارتفاع الأسعار ؟

المسطول : ممكن نحلها بخفض الأجور لكل فئات الشعب .. وهنا الناس مش هتعرف تشترى حاجة والتجار مش هيبيعوا ، تحصل حالة كساد أكتر .. هيضطر التجار يخفضوا ثمن
السلع بأقل من ثمنها الحقيقى .. وتبقى كل حاجه ببلاش .

المحاور :

وأخيراً .. فى ناس عمالة تتكلم وتقول إن كل حاجة دلوقت بتغلى وبيرتفع سعرها ....
ما عدا الإنسان هو بس اللى بيرخص ... إيه رد حضرتك ؟

المسطول :

أه ... لما الناس تفوق بجد وترفض تتعامل على إنها حيوانات ... وعلى الأقل يتعاملوا بينهم
وبين بعض على إنهم بنى ادمين ... وكل واحد يعرف حقوقه وواجباته و ........المحاور : بس .. بس ... ستوب ... أنت بتقول أيه ؟
إنت جاى تفوق دلوقت .... فاصل ونعود مع مسطول أخر من غرزة تانيه فى حتة تانية .....

mahmoudbrkat
مشرف
مشرف

عدد المساهمات : 143
تاريخ التسجيل : 29/09/2009
العمر : 28

الرجوع الى أعلى الصفحة اذهب الى الأسفل

رد: الحوار التالى مع أحد المساطيل من إحدى الغرز على ناصية الشارع

مُساهمة من طرف أبو زايد في الأربعاء سبتمبر 30, 2009 12:42 pm

هههههههههههههههههه موضوعك روعة ياحوده وحاسس انه كان بيكلم اللمبى مش عارف ليه الكلام كله متشقلب وفى اخر الفيلم يعطينا نصيحه

ههههههه شكرا ياحوده ومنور المنتدى

أبو زايد
المدير العام

عدد المساهمات : 526
تاريخ التسجيل : 03/02/2009
العمر : 27
الموقع : el-rahma.montadamoslim.com

http://el-rahma.montadamoslim.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى